Laçın Rayon Mərkəzi Xəstəxanasında kadr təyinatı olub
Xəstəxanadan Aztibb.az-a bildirilib ki, Aynurə Əsgərova tibb müəssisəsində həkim-laborant kimi işə başlayıb.
O, 1979-cu ildə Bakı şəhərində anadan olub. 2001-ci ildə N. Nərimanov adına Azərbaycan Tibb Universitetinin Tibbi-profilaktika fakültəsini bitirib. 2001-2002-ci illərdə Bakı şəhər Gigiyena və Epidemiologiya Mərkəzində internatura kursu keçib.
Aynurə Əsgərova 2002-2020-ci illərdə Respublika Əlillərin Bərpa Mərkəzində, 2020-2024-cü il may ayının 31-dək isə Respublika Reabilitasiya Mərkəzində həkim-laborant vəzifəsində çalışıb.
