“ABŞ-nin Qəzzada inşa etdiyi körpü fəaliyyətini bərpa edib”.
NOCOMMENT.az xəbər verir ki, Pentaqonun mətbuat katibi Patrik Rayder belə deyib. Bildirib ki, körpünün bərpası Qəzzaya daha çox humanitar yardımın daxil olmasına imkan verəcək:
“ABŞ Mərkəzi Komandanlığının şəxsi heyəti Qəzzada müvəqqəti estakada lövbər salıb və fəaliyyəti bərpa edib. Keçmişdə olduğu kimi, İsrail Müdafiə Qüvvələrinin mühəndisləri estakadanın çimərlikdə təhlükəsiz yerləşdirilməsini təmin etmək üçün bütün lazımi dəstəyi təmin ediblər. Eyni zamanda Kiprdən Qəzzaya humanitar yardımın köçürülməsi bərpa edildi. 1,4 milyon funt-sterlinq dəyərində yardım Qəzzadakı marşal meydançasına çatdırıldı”.
Xatırladaq ki, Qəzzada ABŞ ordusu tərəfindən inşa edilən körpü, dəniz dalğaları səbəbindən ötən həftə fəaliyyətini dayandırmışdı. ABŞ-a ən azı 230 milyon dollara başa gələn estakada BMT-nin Dünya Ərzaq Proqramı vasitəsilə Qəzzaya humanitar yardım çatdırmaq üçün nəzərdə tutulub.
