Bakı, 21 iyun, AZƏRTAC
2021-ci ildə bu ekspert platformasının yaradılması haqqında qərar çox düzgün və məhsuldar oldu. Əvvəlcədən nəzərdə tutulurdu ki, ölkələrimizin ekspertləri ikitərəfli münasibətlərin aktual məsələlərini həll edəcəklər və zənnimcə, biz bu vəzifənin öhdəsindən uğurla gəlmişik.
AZƏRTAC xəbər verir ki, bu barədə Rusiya Federasiyası Prezidentinin Xarici ölkələrlə regionlararası və mədəni əlaqələr üzrə idarəsinin rəhbəri İqor Maslov Bakıda keçirilən Rusiya-Azərbaycan Ekspert Şurasının “Rusiya və Azərbaycanın regional layihələr və təşəbbüslər çərçivəsində əməkdaşlığı” mövzusunda beşinci iclasında bildirib.
İqor Maslov diqqətə çatdırıb ki, 2022-ci ildə iki ölkə arasında münasibətlər yeni səviyyəyə yüksəlib və bu səbəbdən hazırda maraqlar dairəsi regional və qlobal problematikaya qədər genişlənib.
