Ermənistanın xarici işlər naziri Ararat Mirzoyan Litvanın paytaxtı Vilnüsə səfəri çərçivəsində Belarusun mühacir müxalifət lideri, 2020-ci ildə keçirilmiş prezident seçkilərində bir sıra Qərb ölkələri tərəfindən qələbəsi tanınmış Svetlana Tixanovskaya ilə görüşüb.
Modern.az xəbər verir ki, bunu Ermənistan Xarici İşlər Nazirliyinin mətbuat katibi Ani Badalyan açıqlayıb.
"Ermənistan və Belarus xalqları azad, demokratik və Avropalı gələcəyə layiqdirlər", - Svetlana Tixanovskaya qeyd edib.
