Almaniyada keçirilən Avropa çempionatında qrup mərhələsinin oyunları davam edir.
Fanat.Az xəbər verir ki, II tur çərçivəsində bu gün növbəti görüşlər baş tutub.
Günün ilk qarşılaşması Münhen şəhərində Sloveniya və Serbiya seçmələri arasında baş tutub. Sloveniya hesabı açsa da, üstünlüyünü son saniyələrdə əldən verib.
Qryd edək ki, sloveniyalılar C qrunun ilk matçında Danimarka ilə də bərabərə qalmışdı - 1:1. Serblər isə İngiltərəyə 0:1 hesabı ilə məğlub olmuşdu.
Qrupun digər oyununda Danimarka və İngiltərə komandaları Frankfurtda qarşılaşıblar. Bu görüşdə də eyni hesab qeydə alınıb.
Günün son matçı B qrupunun favoritləri İspaniya və İtaliya arasında keçirilib. Qarşılaşma Helzenkirhen şəhərində reallaşıb. Minimal hesablı qələbə qazanan İspaniya adını 1/8 finala yazdırıb.
İlk turda İspaniya Xorvatiyaya 3:0, İtaliya isə Albaniyaya 2:1 hesabı ilə qalib gəlib.
AÇ-2024
20 iyun
II tur
C qrupu
Sloveniya - Serbiya 1:1
Qollar: Jan Karniçnik, 69 - Luka Yoviç, 90+5.
Baş hakim: İştvan Kovaç (Rumıniya).
Münhen, "Alyans Arena".
Danimarka - İngiltərə 1:1
Qollar: Hyülmann, 34 - Harri Keyn, 18.
Baş hakim: Artur Diaş (Portuqaliya).
Frankfurt, "Valdştadion".
B qrupu
İspaniya - İtaliya 1:0
Qol: Kalafiori, 55 - öz qapısına.
Baş hakim: Slavko Vinçiç (Sloveniya).
Helzenkirhen, "Feltins Arena".
