Covid-19 pandemiyası bitsə də virus mutasiya etməkdə davam edir. Bu mutasiyaların sonuncusu KP.3 dür. Bizim.Media xəbər verir ki, bu barədə ABŞ-ın Xəstəliklərə Nəzarət və Qarşısının Alınması Mərkəzi (CDC) məlumat yayıb.
Bildirilib ki, bu ştammın simptomları da digərləri ilə eyni və ya oxşardır. Lakin insandan insana fərqlənə bilər.
Mərkəzin proqnozlarına görə, bu, ən geniş yayılmış "versiya" kimi görünür. KP.3 JN.1-in subvariantı kimi tanınır.
Dünyanın məşhur epidemioloqları, o cümlədən, Adrian Esterman deyib ki, payızda buraxılacaq yenilənmiş peyvəndlər KP.3 nəslinə qarşı da təsirli olacaq.
