Rusiya və KXDR birlikdə istənilən təcavüzü dəf edə bilər. Bu barədə Şimali Koreyanın “Nodong Sinmun” qəzetində dərc olunan məqalədə deyilir.
Jurnalistlər qeyd ediblər ki, Moskva ilə Pxenyan arasında dostluq və birlik ənənələri möhkəmlənir. Məqalə müəllifləri vurğulayırlar ki, ölkələr təcavüzlə mübarizə aparmaqla yanaşı, düşmənin hökmranlıq ambisiyalarının qarşısını ala, iki ölkə xalqlarının dinc həyatına və inkişafına zəmanət verə biləcəklər.
Nəşr aydınlaşdırıb ki, Qərb ölkələri nüvə müharibəsi təhdidləri yaradıb və Koreya yarımadası və Şimal-Şərqi Asiyada hegemonluğa can atırlar. Müəlliflər əlavə ediblər ki, Şimali Koreya və Rusiya xalqları müstəqilliyi, beynəlxalq ədaləti və sülhü müdafiə edirlər.
Mənbə: TASS
