Almaniyanın Rheinmetall şirkəti Ukraynada yeni emalatxanalarında Skyranger hava hücumundan müdafiə sistemi əsasında özüyeriyən zenit silahları istehsal etməyə hazırlaşır. Onlar Leopard 1 tanklarının şassilərinə yerləşdiriləcək.
Oxu24.com xəbər verir ki, Bild Sonntag Rheinmetall-ın yer sistemləri departamentinin rəhbəri Byorn Bernharddan sitat gətirir: "Şassisi üzərində hələ də 35 mm-lik avtomatik topla Skyranger qülləsi quraşdıra biləcəyimiz çoxlu Leopard 1 tankları qalıb".
Bununla belə, Rheinmetall bununla kifayətlənməyəcək. Gələcəkdə şirkət Ukraynada yeni Lynx piyada döyüş maşınları istehsal etmək istəyir.
Bundan əlavə, alman silah nəhəngi Ukraynada sursat istehsalı zavodunun tikintisini nəzərdən keçirir.
İndi şirkətin zavodu əsasən Almaniyadan gətirilən Leopard 1 tanklarının və Marder piyada döyüş maşınlarının təmiri ilə məşğuldur.
Maraqlıdır ki, hətta “Leopard 2” də zavodda təmir olunmur.
Bundan əvvəl Leopard tanklarının yığıldığı KNDS konserninin rəhbəri Frank Haun demişdi ki, genişmiqyaslı müharibə olacağı təqdirdə Bundesverin Almaniyanı qorumaq üçün kifayət qədər tankı olmayacaq.
Nigar
