"Yuventus"un rəhbərliyi vinger Federiko Kyezanın nümayəndələri ilə danışıqlar aparmağa hazırlaşır.
90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) məlumat verib.
O 2024-cü il Avropa çempionatı başa çatdıqdan sonra tərəflərin əməkdaşlığın mümkün uzadılmasını müzakirə edəcəklərini qeyd edib.
Turnirə iyulun 14-də yekun vurulacaq. İtaliya çempionatının ötən mövsümündə Federiko 33 oyun keçirib, o, 9 qol vurub və iki məhsuldar ötürmə edib. Futbolçunun transfer dəyəri 35 milyon avrodur və onun hazırkı müqaviləsi 2025-ci ilin ortalarına qədərdir.
