Mersində motorlu yaxta ilə balıq tutan Mehmet Uralın qarmağına təxminən 70 santimetrlik köpəkbalığı balası tutulub. Həvəskar balıqçı təəccübünü gizlədə bilməyib.
Moderator.az Türkiyə mediasına istinadən xəbər verir ki, turizm biznesi ilə məşğul olan Ural dostları ilə səyahət etmək üçün motorlu yaxta ilə Kumkuyu Marinadan ayrılıb. Narlıkuyu sahilinə çatanda Ural və dostları balıq ovuna getmək qərarına gələrək dənizə qarmaq atıblar.
Ural və dostları qarmağa ağır bir şey ilişəndə həyəcanlanaraq, qarmağı dənizdən çıxararkən mobil telefonla həmin anı lentə almağa başlayıblar. Uralın çətinliklə çəkdiyi qarmağın sonunda köpəkbalığı balası peyda olub. Qayığa mindirilməyə çalışılan köpək balığı qarmaqdan qaçaraq dənizə düşüb və itib.
