Portuqaliya millisinin sabiq futbolçusu Luiş Fiqu Almaniyada keçiriləcək Avropa çempionatında komandanın perspektivləri ilə bağlı açıqlama verib.
90deqiqe.Az xəbər verir ki, 51 yaşlı keçmiş futbolçu portuqaliya futbolunun gələcəyi parlaq olduğunu bildirib.
"İndiki nəslin inanılmaz istedadını və akademiyalara davamlı perspektivli gənclər axınını nəzərə alsaq, Portuqaliya futbolunun gələcəyi parlaqdır. Portuqaliyanın təcrübəli oyunçular və perspektivli gənclər arasında yaxşı balansı olan güclü heyəti var. Dünya Çempionatı kimi, Avropa çempionatı ümumiyyətlə kiçikdir, lakin Portuqaliya qalib gələ biləcəklərinə böyük inamla ilk oyuna çıxacaq beş komanda arasındadır."
"Avro-2024"də Portuqaliya F qrupunda çıxış edəcək, burada millinin rəqibləri Çexiya, Türkiyə və Gürcüstan komandalarıdır.
