İranda prezident seçkisi yaxınlaşdıqca seçki kampaniyası sürətlənir.
NOCOMMENT.az xəbər verir ki, mötədil fikirləri ilə seçilən yeganə namizəd cərrah və ölkənin islahatçılarının dəstəklədiyi parlament üzvü Məsud Pezeşkian, hicab taxmaqdan imtina edən qadınlara dəstək nümayiş etdirib.
Ölkənin əxlaq polisini onlara “təqib etdiyinə” görə tənqid edib:
“Fərqli paltar geyinən hicabsız qadınların bizim inancımızla bağlı heç bir problemi yoxdur. Onlar belə geyinmək istəyir, başqaları isə fərqli geyinmək istəyir. Amma biz onları İranın əxlaq polisi adlandırdığımız üsullarla incitdiyimiz zaman onları özümüzə qarşı çevirmiş oluruq. Biz onları dinə və əqidəyə qarşı edirik”.
