Pentaqonun auditoru aşkar edib ki, Ukrayna Silahlı Qüvvələri üçün ABŞ tərəfindən tədarük edilən silahların qiymətləri daha 1,9 milyard dollar artırılıb. "Yeni Azərbaycan" xəbər verir ki, bu barədə baş müdafiə müfəttişi Robert Ştorçun hesabatında deyilir.
Hesabatda deyilir: “Bizim nümunəmizdə əvvəlcədən elan edilmiş 6,2 milyard dollara əlavə olaraq 1,9 milyard dollar dəyərində yüksək qiymətləndirilmiş müdafiə əşyalarının müəyyən edilməsi göstərir ki, Departament və onun agentlikləri Baş Müfəttişin göstərişi ilə siyasəti tam həyata keçirə bilməyib”.
Qeyd olunur ki, nəticədə, Pentaqon Ukrayna üçün silah xərcləri ilə bağlı uçot səhvinə görə bu il 2 milyard dollar artıq ödəyə bilər.
Storçun sözlərinə görə, audit müəyyən edib ki, hərbi məhsulların qiymətləndirilməsi ilə məşğul olan Müdafiə Departamenti bölmələri həmişə tənzimləyicinin siyasət yeniləmələrində göstərilən mühasibat uçotu prinsiplərini tam başa düşmürlər. Onlar maliyyə hesabatlarında ciddi çatışmazlıqlara görə son nəticədə qaydaları tətbiq edə bilməyiblər.
Havar Şəfiyeva
