Bakı, 14 iyun, AZƏRTAC
Çimərlik voleybolu üzrə qadın və kişilər arasında keçiriləcək Azərbaycan çempionatının tarixlərində dəyişiklik olub.
Azərbaycan Voleybol Federasiyasının mətbuat xidmətindən AZƏRTAC-a verilən xəbərə görə, iyunun 25-28-də keçirilməsi nəzərdə tutulan çempionatın startı 18 yaşadək qız və oğlanlardan ibarət komandaların beynəlxalq turnirdə iştirakı səbəbindən təxirə salınıb.
Dəyişikliyə əsasən, ölkə birinciliyi iyulun 16-19-da təşkil olunacaq.
