AZ

Elektrik enerjisi istehsalında yaşıl enerjinin payı artıb

Bu ilin yanvar-may aylarında İstilik Elektrik Stansiyaları üzrə 9 685,6 milyon kVt·st, su da daxil olmaqla bərpaolunan enerji mənbələrindən 714,4 milyon kVt·st artımla 1 545,8 milyon kVt·st elektrik enerjisi istehsal edilib.

Energetika Nazirliyindən verilən məlumata görə, hesabat dövründə Su Elektrik Stansiyaları üzrə 1197,3 milyon kVt·st, Külək Elektrik Stansiyaları üzrə 26,3 milyon kVt·st, Günəş Elektrik Stansiyaları üzrə 206,5 milyon kVt·st, Bərk Məişət Tullantılarının Yandırılması Zavodu (BMTZ) üzrə isə 115,7 milyon kVt·st elektrik enerjisi istehsal edilib.

Cari ilin ilk 5 ayında elektrik enerjisi istehsalında yaşıl enerjinin payı 14 faiz təşkil edib ki, bu da bir il öncəki göstəricini 7 faiz bəndi üstələyir.

Qeyd edək ki, cari ilin yanvar-may aylarında ümumi elektrik enerjisinin istehsalı 11 231,4 milyon kVt·st, ixracı 426,8 milyon kVt·st, idxalı isə 80,9 milyon kVt·st olub.

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
29
9
vergiler.az

10Mənbələr