Siyavuş Novruzov Gürcüstanda olan azərbaycanlı miqrantlara güzəşt olunmasını təklif edib. Çox sayda Gürcüstanda yaşayan həmvətənimiz bununla bağlı müraciət edir.
Publika.az xəbər verir ki, bunu Milli Məclisin bu gün keçirilən iclasında parlamentin Regional məsələlər komitəsinin sədri Siyavuş Novruzov deyib.
Deputat bildirib ki, onlar azərbaycanlı olsa da, Gürcüstan vətəndaşıdırlar: “Ailə Məcəlləsinə təklif edilən dəyişikliyi qəbul etsək, bu qadağalar onlara da şamil olunacaq. Belə çıxır ki, biz hansısa əcnəbiyə tətbiq etdiyimiz yanaşmanı azərbaycanlıya da tətbiq edək? Onlar azərbaycanlı olsa da, Gürcüstan vətəndaşıdır. Gələcəkdə bu halı necəsə nəzərə almaq lazımdır”.
