Rusiya hava hücumundan müdafiə qüvvələri son sutka ərzində Ukraynanın 87 PUA-sını vurub, onlardan 70-i Rostov vilayətini hədəf alıb.
"Cebhe.info" xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb.
"Kiyev rejiminin təyyarə tipli PUA-lardan istifadə etməklə terror aktı törətmək cəhdinin qarşısı alınıb. Aktiv hava hücumundan müdafiə sistemləri Belqorod vilayəti üzərində iki PUA, Volqoqrad vilayətini hədəf alan daha iki PUA, Voronej vilayəti üzərində altı PUA, Kursk bölgələri üzərində altı PUA, həmçinin Rostov vilayətində 70 PUA və Krım üzərində bir PUA-nı məhv edib", - deyə məlumatda bildirilir.
