“Zirə” Davit Volkovu heyətinə qatıb.
QOL.az klubun mətbuat xidmətinə istinadən xəbər verir ki, gürcüstanlı hücumçu ilə 2 illik müqavilə bağlanıb.
Qeyd edək ki, “Zirə” tarixinin ən çox qol vuran futbolçusu olan Volkov 2020-2022-ci illər aralığında da komandanın şərəfini qoruyub. Gürcüstan yığmasının sabiq üzvü karyerası ərzində ölkəsinin “Qaqra”, “Dinaamo” (Tbilisi), “Çixura”, “Sioni”, “Zemun”, “Saburtalo”, Azərbaycanda isə “Qəbələ” və “Sabah”da da çıxış edib.
xxx
14:34.
“Sabah” hücumçusu Davit Volkovla yollarını ayırıb.
QOL.az xəbər verir ki, bu barədə klubun mətbuat xidməti məlumat yayıb. Gürcüstanlı futbolçu ilə mövsümün sonunda başa çatan müqavilə müddəti yenilənməyib.
"Sabah" Volkova kluba xidmətlərinə görə təşəkkür edib, ona gələcək karyerasında uğurlar arzulayıb.
Qeyd edək ki, 29 yaşlı futbolçu 2022-ci ilin yayından "Sabah"da oynayırdı.
