ABŞ-ın keçmiş prezidenti Donald Tramp və hazırkı Amerika lideri Co Bayden arasında seçici dəstəyi baxımından fərq iyun ayında Respublikaçıların “ev” Florida ştatında azalıb. Bizimyol.info xəbər verir ki, bunu Florida Atlantik Universitetinin çərşənbə günü açıqladığı sorğunun nəticələri göstərir. Floridalı respondentlərin 46%-i Trampın lehinə, 42%-i isə Baydenə üstünlük verib. Aprel ayında bu rəqəmlər müvafiq olaraq 50% və 42% olub. Beləliklə, ABŞ prezidentliyinə iddialı iki namizəd arasındakı fərq 8 faiz bəndindən 4 faiz bəndinə qədər azalıb. 2019-cu ildə Tramp daimi iqamətgahını Nyu-Yorkdan Palm Beach, Florida ştatına dəyişdi. Onun Mar-a-Laqo iqamətgahı orada yerləşir. Tramp həm 2016, həm də 2020-ci il prezident seçkilərində Floridada qalib gəlib, baxmayaraq ki, ştat 2008 və 2012-ci illərdə Demokratlar Partiyasının namizədi Barak Obamanı dəstəkləyib. Tədqiqatın nəticələrinin statistik səhvi 3,3 faiz bəndidir. Sorğu 8-9 iyun tarixlərində aparılıb. Orada 878 Florida sakini iştirak edib. Qadir, Bizimyol.info
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
