Almaniyanın siyasi dairələri Almaniya kansleri Olaf Şolz hökumətinin mümkün buraxılmasını və növbədənkənar seçkiləri müzakirə edirlər.
“Politico” qəzeti yazır ki, Avropa Parlamentinə seçkilərdə hakim partiyaların məğlubiyyəti, sağçıların populyarlığının artması, daxili koalisiya ziddiyyətləri, eləcə də Almaniyanın şərqində qarşıdan gələn seçkilər bizi Şolzun kansler kimi günlərinin sayılı olduğunu düşünməyə vadar edir.
“Fakt budur ki, Avropa Parlamenti seçkilərində əhali koalisiya hökumətinin əleyhinə səs verdi və Olaf Şolz [Fransa prezidenti Emmanuel] Makron kimi yeni seçkilər təyin etməlidir”, - "Politico" Bavariyanın baş naziri Markus Soederdən sitat gətirir.
Adının açıqlanmasını istəməyən koalisiya partiyalarının yüksək rütbəli deputatları nəşrə bildiriblər ki, erkən səsvermənin keçirilməsi ilə bağlı hələ dəqiq plan yoxdur, lakin onlar hadisələrin belə dönüşünə hazırlaşırlar.
