Britaniya kəşfiyyatı qeyd edir ki, Rusiya quru qoşunları Donetsk vilayətinin şərq ətrafı Çasov Yar ərazisinə məhdud irəliləyişə nail olub, lakin onların itkiləri yüksəkdir.
Qaynarinfo xəbər verir ki, bu barədə Böyük Britaniya kəşfiyyatının hesabatında deyilir.
Agentlik yazır ki, ruslar çox güman, Çasov Yarın cənub-şərqində yerləşən İvanovsk kəndini də nəzarətə götürüblər.
Silahlı Qüvvələrin işğalçıların irəliləməsini dayandırmağa çalışdığı şəhər ərazilərində şiddətli döyüşlərin getdiyi bildirilir.
"Rusiya qoşunlarının şəhərdən keçən kanalın şərq tərəfində qalacağı ehtimalı var ki, bu da onların irəliləməsinə maneədir.
Rusiya Silahlı Qüvvələrinin şəhərətrafı əraziləri təmizləmək üçün piyada üsulundan istifadə etməsi və rus hərbçiləri arasında itki nisbətinin yüksək olması ehtimalı yüksəkdir.
Ukrayna Silahlı Qüvvələri termobarik sursatlardan istifadə etməklə şəhərə artilleriya hücumu təşkil etdiyini bildirir. Çasov Yar, çox güman ki, yaylada strateji yerləşməsi, eləcə də Ukrayna Silahlı Qüvvələri üçün logistika mərkəzi kimi tarixi istifadəsinə görə Rusiyaya dəyərli olacaq”.
Xatırladaq ki, Müharibənin Tədqiqi İnstitutunun (ISW) analitiklərinin fikrincə, ruslar Çasov Yar və Volçansk şəhərlərini tutmağı hədəfləyirlər.
İyunun 3-dən Rusiya hərbçiləri Çasov Yardakı "Kanal” mikrorayonunun ən kənar evlərində cəmləşməyə çalışır. Bu, şəhərin işğal olunmuş Baxmuta ən yaxın olan hissəsidir.
Alpər
