“Böyük Dəbilqə”nin 22 qat qalibi, dünyanın keçmiş bir nömrəsi ispan tennisçisi Rafael Nadal iyulun 1-dən 14-dək Londonda (Böyük Britaniya) keçiriləcək “Uimbldon”da iştirak etməyəcək.
90deqiqe.Az xəbər verir ki, bu barədə keçmiş ispan tennisçisi, dünyanın keçmiş üçüncü raketkası və Rolan Qarros - 2013-ün finalçısı David Ferrer məlumat verib.
Ferrer daha əvvəl Rafael Nadal və Karlos Alkarasın Parisdə (Fransa) keçiriləcək olimpiya oyunlarında cütlüklərdə birlikdə oynayacağını təsdiqləmişdi.
Rafael Nadal ikiqat olimpiya çempionudur. 2008-ci ildə Nadal təklərdə Olimpiadanın qalibi, 2016-cı ildə isə Mark Lopezlə cütlükdə çempion olub. 38 yaşlı Nadal karyerasının dördüncü Olimpiadasında çıxış edəcək. O, 22 dəfə Böyük Dəbilqə turnirlərinin qalibi olub.
