Rusiya Federasiyası ilə qeyri-strateji nüvə qüvvələri ilə birgə təlimlər göstərdi ki, Belarus Silahlı Qüvvələri xüsusi nüvə silahlarından istifadə etməyə hazırdır.
Redaktor.az xəbər verir ki, bunu Respublika Silahlı Qüvvələrinin Baş Qərargah rəisi, general-mayor Pavel Muraveyko deyib.
“Bu cür təlim və qeyri-strateji nüvə silahlarından istifadə ilə bağlı mühüm məsələlərin hazırlanması bizim hazırlığımızı və imkanlarımızı artırmağın yollarından biridir.
Nəticələri yekunlaşdıracağıq, amma indi əminliklə deyə bilərəm: Belarus Silahlı Qüvvələrinin bölmələri xüsusi nüvə silahlarından istifadə etməyə hazırdır”, - deyə Belarus Müdafiə Nazirliyinin mətbuat xidməti onun sözlərini sitat gətirir.
Turan İSMAYIL
