NATO Almaniyanın Rusiyaya qarşı alman silahlarından istifadə etmək qərarını dəstəkləyib

NATO-nun baş katibi Yens Stoltenberq Almaniya hakimiyyətinin Xarkov vilayətində “Rusiyaya qarşı müdafiə üçün” Ukrayna Silahlı Qüvvələrinə alman silahlarının istifadəsinə icazə verilməsi qərarını dəstəkləyib. Bizimyol.info xəbər verir ki, bu barədə o, "DPA" agentliyinə məlumat verib. Agentlikdən Qərb silahlarının Rusiyaya qarşı artıq istifadə edilib-edilməməsi ilə bağlı sualına Stoltenberq cavab verib ki, təfərrüatlar barədə məlumat verə bilməyəcək. “Ukraynaya bu silahlardan, xüsusən də Ukrayna yaxınlığındakı hərbi hədəflərə qarşı istifadə etməyə icazə vermək məntiqlidir”, - deyə NATO-nun baş katibi bildirib. Mayın 31-də Almaniya hakimiyyəti Xarkov vilayətində alman silahlarından istifadənin mümkünlüyünü təsdiqləyib. Almaniya Nazirlər Kabinetinin rəsmi nümayəndəsi Şteffen Hebestreit iddia edib ki, “son həftələrdə Rusiya, xüsusən də Xarkov vilayətində öz ərazisində yaxınlıqda yerləşən sərhədyanı ərazilərdən hücumlar hazırlayır, koordinasiya edir və həyata keçirir”. Onun sözlərinə görə, Qərb silahlarından “beynəlxalq hüquqi öhdəliklərə uyğun olaraq” “bu hücumlardan müdafiə üçün” istifadə edilə bilər. Hebestreit bunun Almaniyanın tədarük etdiyi silahlara da aid olduğunu vurğulayıb. Nazirlər Kabinetinin sözçüsü Volfqanq Büxner bildirib ki, Almaniya hökuməti Ukraynanın Xarkov vilayətində silahlarının “Rusiyaya qarşı müdafiə üçün” istifadəsinin Almaniyanı münaqişə tərəfinə çevirdiyinə inanmır. Bundan əvvəl Pentaqon təsdiq edib ki, ABŞ prezidenti Co Bayden administrasiyası əks batareya döyüşü zamanı Rusiya ərazisinə Amerika silahları ilə zərbələr endirmək imkanları barədə razılığa gəlib. “The New York Times”ın məlumatına görə, qərar mayın 30-da qüvvəyə minib. Rusiya Təhlükəsizlik Şurasının sədr müavini Dmitri Medvedevin mayın 31-də "Telegram" kanalında yazıb ki, Moskva Ukraynaya verilən bütün uzaqmənzilli silahların artıq “birbaşa NATO ölkələrinin hərbi personalı tərəfindən idarə olunması” kimi qiymətləndirir. Onun sözlərinə görə, “bu, hərbi yardım deyil, Rusiya Federasiyasına qarşı “müharibədə iştirakdır”. Qadir, Bizimyol.info

• Rusiya
• Almaniya
• Ukrayna
• NATO
• silahlar