Qazaxda iki avtomobilin toqquşması nəticəsində 3 nəfər xəsarət alıb.
Bizim.Media-nın yerli bürosunun məlumatına görə, hadisə şəhərin mərkəzində baş verib.
Hərəkətdə olan "Ford" və "VAZ" markalı minik avtomobillərinin toqquşması nəticəsində 1964-cü il təvəllüdlü İ.Musayev, 1955-ci il təvəllüdlü Ş.Mustafayeva və daha bir nəfər xəsarət alıb.
Zərərçəkənlər təcili tibbi yardım briqadasının köməkliyi ilə xəstəxanaya yerləşdiriliblər.
Onlardan Ş. Mustafayevanın vəziyyəti orta ağır qiymətləndirilir. Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
