"2024-cü ilin aprelində Hindistan Rusiya neftinin alışını artırıb".
Oxu24.com xəbər verir ki, bu barədə Neft İxrac Edən Ölkələr Təşkilatının (OPEC) iyun hesabatında bildirilib.
Təşkilatın məlumatına görə, ayın sonunda Rusiya respublikaya tədarük edilən bütün neftin 41 faizini təmin edib. Müqayisə üçün qeyd edək ki, bir ay əvvəl bu rəqəm 34 faiz olub. Aprel ayında Hindistana neft tədarükünün daha 21 faizi İraqdan, 12 faizi isə Səudiyyə Ərəbistanı tərəfindən təmin edilib. Bununla yanaşı, respublikanın neft idxalının ümumi həcmi mart ayı ilə müqayisədə 7 faiz artaraq sutkada 5,2 milyon barelə çatıb.
OPEK həmçinin apreldə Çinin Rusiyadan ümumi neft alışının 21 faizini (martda 20 faiz) idxal etdiyini qeyd edib. Səudiyyə Ərəbistanının payı 14 faiz, İraqın payı 12 faiz, Malayziyanın payı 9 faiz olub.
OPEK-in hesabatında o da bildirilir ki, 2024-cü ilin may ayının sonunda Rusiyada orta gündəlik neft hasilatı 119 min azalaraq 9,182 milyon barelə düşüb. Müqayisə üçün qeyd edək ki, apreldə bu göstərici sutkada 9,301 milyon barel olub. Hesabatda 2024-cü ilin birinci rübünün sonunda ölkədə orta gündəlik neft hasilatı 9,431 milyon barel, 2023-cü ildə isə 9,581 milyon barel təşkil edib.
Yeganə
Mənbə: Lenta.ru
