"Rusiya prezidenti xüsusi texniki xidmətdən keçən etibarlı təyyarələrdən istifadə edir".
Bakıvaxtı.az "RİA Novosti"yə istinadən xəbər verir ki, bunu prezident Putinin təyyarələrinin təhlükəsiz olub-olmaması sualını cavablandıran Kremlin sözçüsü Dmitri Peskov deyib.
O, Rusiya prezidentinin yerli təyyarələrdən istifadə etdiyini, bu təyyarələrə texniki və texnoloji baxımdan xüsusi qulluğun göstərildiyini bildirib:
"Əslində Rusiyada ölkə vətəndaşlarını daşıyan istənilən texnikaya da lazımi səviyyədə qulluq edilir. Bununla bağlı standartlar var və bu standartlara çox ciddi şəkildə əməl olunur".
Gülşən Şərif
