"Valensiya"da çıxış edən gürcüstanlı qapıçı Giorgi Mamardaşvili karyerasını İngiltərə Premyer Liqası nəhəngində davam etdirə bilər.
Fanat.Az xəbər verir ki, bu barədə “Todofichajes” məlumat yayıb.
Mənbənin məlumatına görə, 23 yaşlı qolkiperin xidmətində "Liverpul" maraqlıdır. Mersisaydlılar Alisson Bekkerdən ayrılacağı təqdirdə Mamardaşvilinin namizədliyini nəzərdən keçirir. Braziliyalı qolkiperin “qırmızılar”ı tərk edərək Səudiyyə Ərəbistanı klublarından birinə keçəcəyi gözlənilir.
Mamardaşvilinin bazar dəyəri 35 milyon avro qiymətləndirilir. Gürcü oyunçu ilə “yarasalar” arasındakı hazırki müqavilənin müddəti 2027-ci ilin iyunun sonuna qədərdir.
Mirağa
