ABŞ-ın Nyu-Meksiko ştatında bir ay ərzində Albukerkedə terror törədən, mənzil quldurluğu, mağazalardan oğurluq, avtomobil qaçırma və atışmalara səbəb olan on bir yaşlı uşaq həbs edilib. Vətəninfo.az xəbər verir ki, bu barədə NBC məlumat yayıb. Oğlan bir neçə ağır cinayətdə ittiham olunub.
Bildirilir ki, iddia edilən cinayətlərin bəziləri ağırlaşdırıcı halların birləşməsi ilə törədilib. Məktəblinin cinayət əməlləri xüsusilə təhlükəli kimi qiymətləndirilib və o, həbs edilib. İstintaq ştat polisi tərəfindən aparılır.
