Biatlon üzrə Olimpiya Oyunlarının gümüş mükafatçısı Julia Simon kredit kartı fırıldaqçılığı ilə bağlı işdə cərimə və təzminat cəzasına məhkum edilib.
Publika.az “La Stampa”ya istinadən xəbər verir ki, qərar Albertville prokurorluğunun araşdırması başa çatdıqdan sonra verilib. Cərimələrin və dəymiş ziyanın məbləği dəqiqləşdirilməyib.
2023-cü ildə Simon internetdə alış-veriş etmək üçün ona məxsus olmayan bank kartlarından istifadə etməkdə şübhəli bilinib. Zərər 1000 avrodan çox olub. Qurbanlardan biri onun milli komanda yoldaşı, olimpiya çempionu Castin Brezat-Buşer olub və o, kredit kartı fırıldaqlarında günahına dair sübuta malik olduğunu söyləyib.
Simon ittihamları rədd edib və naməlum şəxslərin onun şəxsiyyətindən cinayət törətmək üçün istifadə etdiyini bildirib.
