"Qarabağ" yeni mövsüm üçün ilk transferini reallaşdırıb.
Sportinfo.az xəbər verir ki, qapıçı Fabiyan Buntiçi heyətə cəlb edilib.
Azərbaycan çempionu ilə Almaniya vətəndaşlığına malik 27 yaşlı xorvat qolkiper arasında üç illik müqavilə imzalanıb. Yeni transfer 2027-ci ilin yayına qədər "Qarabağ"da çıxış edəcək.
Buntiçin son klubu 2022-ci ilədək şərəfini qoruduğu Portuqaliya təmsilçisi “Vizela” olub. O, bunadək karyerasına başladığı Almaniyanın “İnqolştadt” klubunda forma geyinib.
Qeyd edək ki, "Qarabağ"ın yeni qapıçısı Xorvatiyanın U-18 və U-19 milli komandalarında da oynayıb.
