Fransada Avropa Parlamentinə seçkilərdə ifrat sağçıların böyük üstünlüklə qalib gəlməsi ilə əlaqədar prezident Emmanuel Makron Fransa parlamentinin aşağı palatası olan Milli Assambleyanın buraxıldığını elan edib.
Makron bildirib ki, növbədənkənar parlament seçkilərinin birinci turu iyunun 30-da, ikinci turu isə iyulun 7-də keçiriləcək.
Fransa prezidenti mesajında vurğulayıb ki, Avropa seçkilərinin nəticələri Avropayönlü qüvvələr üçün yaxşı deyil, artan millətçilər və demaqoqlar ölkə üçün təhlükə yaradır.
Fransanın sağçı lideri Marin Le Pen iyulda partiyasının qalib gələcəyi təqdirdə baş nazir olmağa hazır olduğunu açıqlayıb.
