Bakıda COP29 ərəfəsində Xəzərin mavi üfüqlərinin ilk seminarı keçirilib. SİA xəbər verir ki, Bakı, Azərbaycan – 10 iyun 2024-cü il – “Bakı Beynəlxalq Dəniz Ticarət Limanı” QSC (Bakı Limanı), ADA Universiteti və IDEA (Ətraf Mühitin Mühafizəsi Naminə Beynəlxalq Dialoq) İctimai Birliyi 1-ci Xəzər Mavi Üfüqlər Seminarının birgə keçirilməsini elan edir. Azərbaycanın İsveçrədəki səfirliyi tərəfindən dəstəklənən bu təşəbbüs Xəzər dənizi regionunda ekoloji problemlərin həlli üçün qlobal miqyasda maraqlı tərəfləri bir araya gətirmək məqsədi daşıyır.
10-11 iyun 2024-cü il tarixlərində ADA Universitetində başlayan ilk seminar 2024-cü ilin noyabrında baş tutacaq COP29 Azərbaycanda keçirilməsindən əvvəl müzakirələrin başlanğıcını qeyd edir və onun əhəmiyyətini və beynəlxalq iqlim məqsədlərinə uyğunluğunu vurğulayır. Tam olaraq tədqiq edilməmiş Xəzər dənizinin dayanıqlığının və davamlılığının artırılmasına əsas diqqət yetirməklə, bu tədbir davamlı inkişaf və ətraf mühitə nəzarət prinsiplərini vurğulayaraq elm adamları, siyasətçilər və sənaye liderləri arasında sahələrarası əməkdaşlıq üçün mühüm platforma rolunu oynayır.
Seminarda açılış nitqini Bakı Limanının Baş direktoru Taleh Ziyadov edib. Digər bir çıxışı ilə Azərbaycanın Ekologiya və Təbii Sərvətlər naziri və COP29-un təyin olunmuş prezidenti Muxtar Babayev Azərbaycanın ətraf mühitin dayanıqlılığı, iqlimə davamlılıq, və qlobal əlaqə mövzusunda danışıb. Əlavələri isə Azərbaycan Milli Məclisinin deputatı və COP29 Çempionu Nigar Arpadarai, həmçinin Energetika Nazirinin müavini və COP29-un Baş direktoru Elnur Soltanov qeyd ediblər.
12 ölkənin 15 aparıcı universiteti və akademik qurumlarından 30-dan çox görkəmli alim və tədqiqatçı də daxil olmaqla 100-ə yaxın iştirakçı tədbirin müxtəlif tematik panellərində iştirak edib. Bundan başqa, seminarda yüksək səviyyəli dövlət rəsmiləri, diplomatik qurumların rəhbərləri, özəl sektor rəhbərləri, beynəlxalq və mülki təşkilatların nümayəndələri iştirak ediblər.
Bakıda baş verən bu əhəmiyyətli seminarın davamı olaraq 2024-cü ilin sentyabrında İsveçrədə keçiriləcək 2-ci seminar planlanır. Bu seminarlar silsiləsi Azərbaycanın Xəzər dənizinin və onunla əlaqəli regionun öyrənilməsində beynəlxalq əməkdaşlığın təşviqinə sadiqliyini vurğulayır və daha yaxşı sabaha işıq saçacaq.
