İranda keçiriləcək növbədənkənar prezident seçkilərinə buraxılan namizədlər arasında 5 canlı debatlar təşkil olauncaq.
Modern.az xəbər verir ki, namizədlər arasındakı debatlar İran Dövlət Televiziyasında canlı yayımlanacaq. Müzakirələrin mətnini isə “Mehr” Xəbər Agentliyi dərc edəcək.
Teledebatlar aşağıdakı ardıcıllaqla təşkil olunacaq:
1-ci debat 17 iyun bazar ertəsi günü;
2-ci debat 20 iyun cümə axşamı günü;
3-cü debat 21 iyun cümə günü;
4-cü debat 24 iyun bazar ertəsi günü;
5-ci debat 25 iyun çərşənbə axşamı günü.
Debatlar axşam saat 20.00-da başlayacaq və 00.00-a qədər davam edəcək.
İRNA-nın məlumatına görə, İran Seçki Qərargahının sözçüsü Möhsin İslami iyunun 9-da 14-cü prezident seçkilərində iştirak edəcək namizədlərin adlarını açıqlayıb.
Prezident seçkilərində iştirak etmək hüququ olan 6 namizəd aşağıdakı şəxslər olacaq:
Mustafa Purməhəmmədi;
Məsud Pezeşkian;
Əlirza Zakani;
Səid Cəlili;
Məhəmməd Baqir Qalibaf;
Seyid Əmir Hüseyin Qazizadə Haşimi.
İranda növbədənkənar prezident seçkiləri iyunun 28-də keçiriləcək.
