Vaşinqtonun Ukraynaya ABŞ silahları ilə Rusiya ərazisinə zərbə üçün verdiyi məhdud icazə Moskvanın irimiqyaslı əməliyyatlarını dayandıra bilməyəcək.
Teleqraf.com xəbər verir ki, bu barədə ABŞ-nin Müharibə Araşdırmaları İnstitutunun (ISW) təhlilində deyilir.
Analitiklər qeyd edirlər ki, Ukrayna tərəfindən Qərb silahlarının istifadəsini məhdudlaşdıran ABŞ Rusiyanın ən azı 84 faiz quru ərazisini toxunulmaz saxlayır.
“ABŞ siyasəti Rusiya ordusunun Ukraynada hərbi əməliyyatlar keçirmək üçün istifadə etdiyi döyüş qüvvələri, komandanlıq və nəzarət, maddi-texniki təminat və dəstək xidmətlərini qorumaq üçün istifadə etdiyi “böyük örtük” yaradıb”, - məqalədə bildirilir.
ISW qeyd edir ki, Ukrayna nəzəri cəhətdən Rusiyanın Belqorod, Kursk və Bryansk vilayətlərindəki bütün hərbi obyektlərini vura bilər. Amerika Ukraynaya əks-cavab üçün Rusiya ərazisinə zərbə endirməyə icazə verib.
Başqa sözlə, Ukrayna Silahlı Qüvvələri sərhədə bitişik ərazilərdə Rusiya hərbi obyektlərinə zərbələr endirə bilər, dərinliklərə yox.
ISW vurğulayır ki, ABŞ siyasətindəki dəyişiklik düzgün istiqamətdə atılan addım olsa da, özlüyündə qeyri-adekvatdır və Rusiyanın irimiqyaslı əməliyyatlarını dayandırmaq iqtidarında deyil.
