Ukraynadakı müharibə Koreyanı ABŞ və Aİ-dən daha sürətli və daha ucuz silah istehsalı mərkəzinə çevirib.
FED.az xəbər verir ki, Rusiyanın Ukraynada böyük müharibəsi başladıqdan sonra Cənubi Koreyanın aparıcı silah şirkəti «Hanwha Aerospace»in ixrac gəliri 11 dəfə artaraq 1,1 milyard dollara yüksəlib, səhmlərinin qiyməti isə 350% artıb.
Bu həftə səhmləri ən çox bahalaşıb-ucuzlaşan – 100 ŞİRKƏT, SİYAHI (3-7 İyun, 2024)
Aqrar Sığorta Fonduna 5 ayda - 800-DƏN ÇOX MÜRACİƏT DAXİL OLUB
«Bloomberg»in məlumatına görə, Cənubi Koreyanın aparıcı müdafiə podratçısı olan “Hanwha Aerospace” 50 ilə yaxındır ki, silah istehsal edir və hətta xarici rəqiblər altıncı nəsil qırıcılara və pilotsuz uçuş aparatlarına keçdikdə belə, heç vaxt dayanmayıb.
Son vaxtlara qədər hərbi analitiklər «Hanwha»nı 21-ci əsr müharibəsi üçün köhnəlmiş bir şirkət hesab edirdilər. Bununla belə, Ukraynada demək olar ki, bütünlüklə yerdə gedən müharibə onların yanlış olduğunu sübut etdi.
«Hanwha»nın köhnə zirehli maşınları və döyüş sursatlarına yüksək tələbat var, çünki şirkət onları ABŞ və ya AB şirkətlərindən daha sürətli və daha ucuz çatdıra bilir. Rusiyanın işğalından sonrakı iki il ərzində Hanwha-nın illik silah ixracı gəliri on bir dəfə artaraq 1,1 milyard dollara çatıb ki, bu da şirkətin ümumi satışlarının 26%-ni təşkil edib. Bu müddət ərzində onun səhmləri təxminən 350% artıb.
Məqalədə deyilir ki, Hanwha-nın dirçəlişi qlobal müdafiə sənayesindəki boşluğu əks etdirir. Amerika və Avropa istehsalçıları strateji dəqiqlikli silahların və digər qabaqcıl texnologiyaların istehsalına diqqət yetirdilər. Eyni zamanda, bir çox ölkələr bu sistemləri çox baha hesab edirlər və ya yüksək ixtisaslı kadrlara ehtiyacdan çəkinirlər.
"ABŞ dünyada müdafiə sistemlərinin 40%-nə malikdir, lakin o, hər şeyi edə bilmir. Biz diqqəti orta çəkilərə, özüyeriyən silahlara, zirehli maşınlara, tanklara yönəldirik. Biz artıq qlobal miqyasda rəqabət qabiliyyətliyik» - Hanwha Aerospace-in baş direktoru Sonq Jae-il bildirib.
Amerika və Avropa silah istehsalçılarının istehsalı yenidən başlatmağa və ya artırmağa çalışdığı bir vaxtda «Hanwha» şirkəti alıcılara fasiləsiz istehsal, sarsılmaz tədarük zəncirləri və sürətli çatdırılmanın üstünlüklərini təklif edir.
Məsələn, «Hanwha» öz flaqman «K9» haubitsasını təxminən 180 günə yığa bilər - rəqiblərdən iki-üç dəfə daha sürətli. Xərcləri aşağı olduğu üçün onun məhsulları da ucuzdur. Eyni K9 haubitsasının qiyməti təxminən 3,5 milyon dollardır ki, bu da qlobal rəqiblərdən təxminən yarısı və ya üçdə bir ucuzdur.
