Baqrat Qalstanyan: “Biz təklif etdik ki, Paşinyan istefa versin, görüşüb keçid şərtlərini müzakirə etsin”
İyunun 11-də saat 16:30-da Ermənistan Milli Assambleyasının müxalifət fraksiyaları hökumətin istefası və yeni parlamentin formalaşdırılması gündəliyi ilə parlamentin növbədənkənar iclasının keçirilməsi təşəbbüsü ilə çıxış edəcək. AYNA xəbər verir ki, bu barədə dünən axşam saatlarında İrəvanda Respublika meydanında keçirilən mitinqdə “Vətən naminə Tavuş” hərəkatının lideri, arxiyepiskop Baqrat Qalstanyan deyib.
“Biz başa düşürük ki, bu insanların son mənəvi baxışlarına əsaslanaraq problemi həll edə bilmərik. Biz elə indidən qərar verməliyik, sabahdan ən azı 4 gün, 96 saat ərzində fasiləsiz, işə getmədən, istirahət etmədən, uzun müddət yatmadan, küçədə qalıb öz iradəmizi tətbiq etməklə problemi həll edə bilərik. Biz təklif etdik ki, bu adam (Baş nazir Nikol Paşinyan - red) istefa versin, görüşüb keçid şərtlərini müzakirə etsin. Buna məhəl qoyulmayıb. Mən burada sizin qarşınızda dayanaraq Milli Assambleyanın bütün fraksiyalarına müraciət edirəm. Bizim xahişimizə əsasən, parlamentin müxalifətçi deputatları iyunun 11-də saat 16.30-da hökumətin istefası və yeni hökumətin formalaşdırılması ilə bağlı parlamentin iclasının keçirilməsi təşəbbüsü ilə çıxış edəcəklər”, - deyə arxiyepiskop bildirib.
Onun sözlərinə görə, iyunun 10-da Milli Assambleyanın Şurası xalqın qərarı ilə növbədənkənar sessiyanın çağırılması ilə bağlı qərar qəbul etməyə, siyasi çoxluq, hakim “Mülki müqavilə” fraksiyasından olan deputatlar isə parlamentə təqdim etməyə borcludurlar.
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
