Fransa millisinin hücumçusu Kilian Mbappe millinin məşqini buraxıb.
QOL.az "RMC Sport"a istinadən xəbər verir ki, buna onun bel ağrısı səbəb olub. Didye Deşamın komandası bu gün keçiriləcək Kanada ilə yoldaşlıq görüşünə hazırlaşır.
Hücumçu hətta iyunun 5-də Lüksemburqla oyundan əvvəl 72 saat idi ki, belində problem yaşayıb.
Narahatlığın ciddi olmadığı qeyd edilir. Əlavə müayinə bu gün olacaq.
Qeyd edək ki, Fransa - Kanada matçı Bakı vaxtı ilə saat 23:15-də başlayacaq.
