"Mançester Siti"nin hücumçusu Xulian Alvares yay transfer pəncərəsində klubunu dəyişə bilər.
90deqiqe.Az "CaughtOffside"yə istinadən məlumat verir ki, 24 yaşlı forvard PSJ üçün əsas hədəflərindən biridir. Bildirilir ki, parislilər argentinalıya uzunmüddətli əmək müqaviləsi təklif etmək istəyirlər.
Ötən mövsüm hücumçu bütün yarışlarda 54 matçda meydana çıxıb, 19 qol vurub və 13 məhsuldar ötürmə verib. Alvaresin "Mançester Siti" ilə müqaviləsi 2028-ci ilin yayına kimi nəzərdə tutulub. Transfermarkt portalının mütəxəssisləri futbolçunun dəyərini 90 milyon avro qiymətləndirir.
