Güclü yağışdan sonra Goranboya sel gəlib.
APA-nın yerli bürosunun məlumatına görə, bu gün saat 16 radələrində rayonun Veysli, Rəhimli, Qazanbulaq, Borsunlu, Qazaxlar, Goranlı və Qazançı kəndlərində sel sulları ciddi fəsadlar törədib.
Sel suları sözügedən kəndlərdə əkin sahələrini, avtomobil yollarına ziyan vurub.
Bəzi kəndlərə gediş-gəlişdə çətinliklər yaranıb.
Goranboy rayon İcra Hakmiyyətinin nümayəndələri kəndlərə ezam olunub.
