İtaliyan mütəxəssis Antonio Konte “Napoli”nin baş məşqçisi təyin edildikdən sonra bu barədə ilk şərhini verib.
Arena.az xatırladır ki, Konte iyunun 5-də “Napoli” ilə müddəti 2027-ci ilin iyun ayının sonuna qədər qüvvədə olacaq müqavilə imzalayıb.
“Napoli” beynəlxalq arenada böyük əhəmiyyət kəsb edən klubdur. “Napoli”də baş məşqçi vəzifəsini tutmaq fikrinə görə xoşbəxtəm və həyəcanlıyam. Mən mütləq bir söz verə bilərəm: komandanı və klubu inkişaf etdirmək üçün əlimdən gələni edəcəyəm. İşçilərim kimi mən də tapşırığa tam sadiqəm”, – Neapol klubunun mətbuat xidməti Kontedən sitat gətirir.
Daha əvvəl mətbuatda, “Napoli”nin, Antonio Konte baş məşqçi təyin ediləcəyi təqdirdə, yayda transferlər üçün italyan mütəxəssisə 230 milyon avro məbləğ ayırmağa hazır olduğu barədə məlumat yayılmışdı. Kontenin “Napoli” ilə müqaviləsində əməkdaşlığa vaxtından əvvəl xitam veriləcəyi təqdirdə məşqçiyə təzminat nəzərdə tutulmadığı da vurğulanır.
Xatırladaq ki, 2023/2024-cü illər mövsümünü “Napoli”, İtaliya çempionu kimi qatıldığı A Seriyasında 53 xalla yarış cədvəlinin 10-cu pilləsində başa vurub və avrokuboklardan kənarda qalıb.
