Son 24 saat ərzində Rusiyanın Cənubi Donetsk istiqamətində “Vostok” qoşun qruplaşmasının bölmələri Ukrayna hərbçilərinin dayaq məntəqələrinə zərbələr endirib.
“Cebhe.info” TASS-a istinadən xəbər verir ki, bu barədə qrupun mətbuat mərkəzinin rəhbəri Aleksandr Qordeyev deyib.
"Aviasiya zərbələri, artilleriya atəşi və ağır alov sistemləri Ukrayna ordusunun 128-ci Ərazi Müdafiə Briqadalarının Konstantinovka və Enomikenika rayonlarında müvəqqəti dislokasiya məntəqələrinə, istehkamlarına və canlı qüvvəsinin toplandığı yerlərə zərbələr endirib. 145-dən çox hərbçi, 2 piyada döyüş maşını, 1 “D-30” artilleriya qurğusu, 2 ədəd avtomobil texnikası, 6 təyyarə tipli pilotsuz uçuş aparatı və 3 sursat təchizatı nöqtələri məhv edilib", - Qordeyev vurğulayıb.
