Krım parlamentinin rəhbəri Vladimir Konstantinov bildirib ki, regionun Dövlət Şurasına Rusiya hakimiyyətinin Ukraynaya dəstək verməkdə və Ukrayna Silahlı Qüvvələrinə sponsorluq etməkdə ittiham etdiyi 110 şəxsin əmlakının milliləşdirilməsi ilə bağlı qərar layihəsi daxil olub.
Oxu24.com xəbər verir ki, Konstantinovun sözlərinə görə, Krım əmlakının milliləşdirilməsi planlaşdırılan şəxslərin siyahısında Rusiya ordusu haqqında yalan danışmaqda ittiham edilərək Rusiya Federasiyasında qiyabi həbs edilən müğənni Camalanın adı var.
Həmçinin, Krım hakimiyyəti Aluştadakı Delfinlərlə Müalicə, Reabilitasiya və İstirahət Mərkəzinin benefisiarının Kiyev vilayətinin Brovar rayon şurasının deputatı və Ukraynada bir çox şirkətlərin sahibi olduğunu açıqlayıb.
Bundan başqa, Yaltadakı “Bristol” mehmanxanasının, Yalta kinostudiyasının, “Porto Mare” park otelinin, “Platinum Bank”ın, Ukraynanın xalq deputatı Lidiya Kotelyak və onun oğlunun əmlakının milliləşdirilməsi nəzərdə tutulub. Konstantinov deputatı alovlu nasist adlandırıb və oğlunun Baş Kəşfiyyat İdarəsində xidmət etdiyi və döyüşlərdə iştirak etdiyi iddia edib.
Mənbə: Mk.ru
Yeganə
