"Qızıl top" mükafatının verilmə tarixi açıqlandı
"Qızıl top" mükafatının veriləcəyi tarix müəyyənləşib.
Bu barədə idman jurnalisti Fabrizio Romano şəxsi "Instagram" hesabından paylaşım edib.
Onun sözlərinə görə, 2023/24 mövsümünün ən yaxşı futbolçusu nominasiyası üzrə "Qızıl top" mükafatı oktyabrın 28-də Parisdə öz sahibini tapacaq.
Mükafata namizədlərin siyahısı sentyabrın 4-də açıqlanacaq.
Qeyd edək ki, sonuncu dəfə 2023-cü ildə argentinalı Lionel Messi bu mükafata sahib çıxıb.
