Rusiya Prezidenti Vladimir Putinin kiçik qızı, 37 yaşlı Katerina Tixonova Sankt-Peterburq Beynəlxalq İqtisadi Forumunda videobağlantı vasitəsilə çıxış edib.
Globalinfo.az xəbər verir ki, “Bild” nəşri Putinin qızının çıxışının məğzini araşdırıb və orada “gizli mesaj” aşkar edib.
Belə ki, Tixonova müdafiə sektorunda idxalın əvəzlənməsindən danışıb və onun layihəsini dəstəklədiyi üçün yeni müdafiə naziri Andrey Belousova təşəkkür edib.
Nəşr yazır ki, Kremlin Tixonovaya bu mövzunu təqdim etməyə icazə verməsi hərbi müstəqilliyin diktator üçün nə qədər vacib olduğunu göstərə bilər. Həm də Putin Çin və İran kimi hazırkı müttəfiqlərinə bel bağlamaq istəmir.
