Xəzərnews.az xəbər verir ki, bu sözləri Diaspora.TV-yə politoloq Məhəmməd Əsədullazadə deyib. Onun sözlərinə görə, bununla bağlı ilk növbədə qanun qəbul edilməlidir:
“Onlar ölkəyə daxil olanda bir çox güzəştlərdən istifadə etməlidirlər. İnternet, tibbi sığorta və digər sahələrdə, həmçinin gömrük sistemində ciddi şəkildə güzəştlər olmalıdır. Dünya azərbaycanlılarının diqqətini Azərbaycana, onların ana vətənlərinə biz çəkməliyik”.
Politoloq əlavə edib ki, xaricdə yaşayan azərbaycanlılarla bağlı praktik işlər görülməsə, onların Azərbaycana qarşı diqqəti heç də müsbət olmayacaq:
“Dünya nizamı dəyişir. Diasporun fəaliyyəti, onların təsir imkanları genişləndirilməlidir. Azərbaycana da lazımıdr ki, xaricdəki soydaşlarımız təşkilatlansınlar. Onların təşkilatlanması üçün vətənə gələndə güzəştlərin tətbiq edilməsi lazımdır. İldə bir və ya iki dəfə tədbirlə dəvət etməklə, gəlməklə iş bitmir”.
Politoloq onların Azərbaycanda hüquqlardan, güzəştlərdən istifadə edilməsi üçün yollar açılmasını məqsədyönlü hesab edir.
.
