Bakı, 7 iyun, AZƏRTAC
Torpaqlarımızın 30 illik işğaldan sonra azad edilməsi, ərazi bütövlüyünün və dövlət suverenliyinin təmin olunması beynəlxalq səviyyədə ölkəmizin nüfuzunu artırıb.
AZƏRTAC xəbər verir ki, bu sözləri Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyeva “Xarici siyasət məsələləri üzrə beynəlxalq platformalarda Azərbaycan qadınlarının iştirakı: problemlər və perspektivlər” mövzusunda dəyirmi masada söyləyib.
Bu gün Azərbaycan qadınlarının ölkəmizi beynəlxalq arenalarda uğurlu şəkildə təmsil etdiklərini deyən A.Sofiyeva vurğulayıb ki, ölkəmizdə qadınların hüquqlarının və səlahiyyətlərinin artırılması, məişət zorakılığının qarşısının alınması istiqamətində ciddi işlər görülür.
