.jpg)
Azərbaycanın ugurlu layihələrə imza atması nəinki ölkəmizin həmçinin regionun inkişafı üçün əsaslı zəmin yaradır. Dünya dövlətləri Azərbaycanı etibarlı tərəfdaş kimi tanıyaraq,ölkəmizdə keçirilən bütün tədbirlərə qoşulmaqd maraqlıdırlar. Bu mənada Bakıda keçirilən region üçün enerji sahəsində mühüm hadisə olan Bakı Enerji Həftəsi xüsusi maraq kəsb edir. Bakı Enerji Həftəsi özündə üç mötəbər tədbiri birləşdirir. Bunlar 29-cu Beynəlxalq Xəzər Neft və Qaz Sərgisi “Caspian Oil&Gas”, 12-ci Xəzər Beynəlxalq Energetika və Yaşıl Enerji Sərgisi “Caspian Power” və 29-cu Bakı Enerji Forumudur. Tədbirdə dünyanın 30-dan artıq ölkəsindən 300-dək şirkəti iştirak etdi. Ən əsası tədbiri dünyanın 100-ə yaxın aparıcı informasiya kanalı izlədi və bu tədbirin önəmi barədə reportajlar hazırladı. Bütün bunlar isə ondan xəbər verir ki, tədbir kifayət qədər böyük iştirakçı ordusunu və coğrafi baxımdan geniş regionu əhatə edir. Azərbaycanın enerji imkanlarının yenidən təqdim olunması və xüsusən regionun eləcə də Avropa İttifaqının enerji təhlükəsizliyində Azərbaycanın rolunun artmasını şərtləndirən faktorlar baxımından da üç tədbirin birlikdə keçirilməsi çox vacibdir. XXI əsrin ilk illərində ölkəmizdə aparılan geniş miqyaslı islahatların daha da dərinləşdirilməsi, cəmiyyətimizin daha yüksək sosial-iqtisadi inkişaf pilləsinə yüksəlməsinə şərait yaratmışdır. Ölkədə investisiya mühitinin yaxşılaşdırılması və inkişaf etdirilməsi istiqamətində mühüm addımlar atılmış, dövlət idarəçiliyi müasir meyarlara uyğun yenidən qurulmuşdur. Azərbaycanın neft-qaz hasilatı və hasil olunmuş karbohidrogenin Avropa bazarlarına çatdırılması məqsədi ilə reallaşdırılmış iri layihələr Avropanın neft və qazla təminatında ölkəmizin önəmli yer tutmasından xəbər verir. Xəzər hövzəsi regionunun dünya üçün mühüm karbohidrogen mənbəyi olması Avropanın diqqətindən yayınmır. Qərb aparıcı araşdırma mərkəzlərinin ekspertləri qeyd edirlər ki, Xəzər hövzəsində böyük neft şirkətlərilə ən yüksək əməkdaşlıq əlaqələri yaradan ölkə Azərbaycandır və Qərb enerji daşıyıcılarının istismar edilməsində Azərbaycanla əməkdaşlıq etməsi yüksək qiymətləndirilir. Bir məqam xüsusi ilə diqqəti çəkir. Belə ki, Qərb Xəzərin şərq sahillərindəki karbohidrogen ehtiyyatlarının Avropaya nəql edilməsində Azərbaycan tərəfindən yaradılmış infrastrukturdan istifadə etməkdə maraqlıdır. Bünövrəsi ümummilli lider Heydər Əliyev tərəfindən qoyulan böyük neft strategiyası 1994-cü ildə “Əsrin müqaviləsi”nin imzalanması ilə Azərbaycan neftinin dünya bazarlarına çıxarılması üçün münbit şərait yaratdı. Bu, Azərbaycan Respublikasının imza atdığı ilk beynəlxalq neft anlaşması idi və ilk gündən adı, tarixi önəmi və gələcəyə hesablanmış strateji mahiyyəti ilə müstəqillik salnaməmizdə ən layiqli yerini tutdu. Azərbaycan hökumətinin həyata keçirdiyi siyasət nəticəsində bu gün qlobal enerji təhlükəsizliyinin təmin olunmasında böyük layihələrə imza atılıb. Külək, günəş, bio-yanacaq kimi bərpa olunan enerji mənbələri qlobal enerji təhlükəsizliyinin təminatı və qlobal istiləşmənin qarşısının alınması baxımından mühüm əhəmiyyətə malikdirlər. BƏƏ-dən olan “Masdar” şirkəti tərəfindən inşa ediləcək üç günəş və külək enerjisi elektrik stansiyalarının təməlqoyma mərasimi əlamətdar hadisədir. Bu layihələrin başlanması Azərbaycanın və onun beynəlxalq tərəfdaşlarının ənənəvi yanacaqdan bərpaolunan enerji resurslarına transformasiyasını nümayiş etdirir və eyni zamanda ənənəvi yanacağın uzun illər ərzində təkcə Azərbaycan üçün deyil, həm də tərəfdaşlarımız üçün mühüm əhəmiyyət kəsb edəcəyi vurğulanır. Azərbaycanın dünyaya inteqrasiya olunmasında, Qərblə iqtisadi və strateji əməkdaşlığının möhkəmlənməsində neft-qaz amilinin rolu böyükdür. Məhz Avropanın enerji təhlükəsizliyinin təmin olunmasında göstərdiyi fəaliyyətə görə ölkəmizin Qərbdə etibarlı müttəfiq imicini yaradıb. Neft respublikamızın ən zəngin təbii sərvətidir və onun ölkə iqtisadiyyatının inkişafında əvəzsiz rolu vardır. Son 30 il ərzində imzalanmış bütün müqavilələr tam şəkildə icra olunub. Onların hamısı parlament tərəfindən ratifikasiya olunub və qanun şəklində imzalanıb. Orada bir söz belə dəyişilməyib. Bu etibar onilliklər ərzində qazanılıb. Bunun nəticəsidir ki, biz bu gün bərpaolunan enerji sahəsində növbəti sürətli inkişafın şahidiyik. Azərbaycanın enerji təhlükəsizliyi məsələsinə yanaşması ondan ibarətdir ki, enerji resursları ölkələri və xalqları ayırmalı deyil, birləşdirməlidir. Enerji resursları rəqabət və ya toqquşmaya deyil, regional və beynəlxalq əməkdaşlığa xidmət etməlidir. Təchizatçıların, tranzit ölkələrin və istehlakçıların maraqları üst-üstə düşməli və daha çox proqnozlaşdırma və qarşılıqlı faydaya aparmalıdır. Bu, ölkəmizin enerji fəlsəfəsidir. Elə bunun nəticəsidir ki, ölkəmiz maksimal dərəcədə məsuliyyət nümayiş etdirməyə və eyni zamanda, beynəlxalq ictimaiyyətin müxtəlif komponentləri arasında körpülər qurmağa çalışır.Azərbaycanın artan nüfuzu ölkəmizin və regionun beynəlxalq aləmdə əlaqələrini daha da genişləndirir.
İlqar İlyasov
YAP Laçın rayon təşkilatının sədri
