Türkiyə İran prezidentinin axtarış-xilasetmə işlərində iştirak etmək üçün 32 alpinist axtarış-xilasetmə heyəti və 6 avtomobilin bölgəyə yola düşdüyünü açıqlayıb.
“Operativ Media” xəbər verir ki, bu barədə AFAD məlumat yayıb.
“Bu gün İran prezidenti cənab İbrahim Rəisini daşıyan helikopterin İran-Naxçıvan sərhədində qəzaya uğraması ilə bağlı məlumat aldıq. İran Xarici İşlər Nazirliyi vasitəsilə ölkəmizdən gecə fəaliyyət göstərə bilən axtarış-xilasetmə helikopteri istəyib. Türkiyədən 32 alpinist axtarış-xilasetmə heyəti və 6 nəqliyyat vasitəsi bölgəyə gəlmək üçün yola düşdü. Bundan əlavə, Ankara, Diyarbəkir və Konyadan olan hər biri 15 nəfərdən ibarət alpinist axtarış-xilasetmə heyətimiz hazır vəziyyətdədir. Biz hadisələri izləyirik”, - deyə AFAD-ın yaydığı məlumatda qeyd olunub.
