Bu barədə Amerika rəsmilərinə istinadən Wall Street Journal məlumat yayıb. Kiyev həmçinin Vaşinqtondan Amerika silahlarının Rusiyadakı hədəflərə qarşı tətbiqinə qoyulan məhdudiyyətləri aradan qaldırmağı xahiş edib.

Nəşr qeyd edib ki, bu tələb ötən həftə edilib və hazırda Amerika hakimiyyət orqanları tərəfindən nəzərdən keçirilir. Ukrayna Rusiya ordusunun uğurları fonunda ABŞ-a belə bir müraciət edib.

WSJ hesab edir ki, Birləşmiş Ştatlar bu cür dəyişikliklərlə razılaşarsa, bu, “administrasiyanın siyasətində ciddi dəyişiklik” demək olacaq.

Bundan əvvəl Dövlət Departamentinin mətbuat xidmətinin rəis müavini Vedant Patel bildirib ki, Birləşmiş Ştatlar Ukrayna Silahlı Qüvvələrinin Rusiya ərazilərinə zərbə endirməsini dəstəkləmir.

İlkin Nəcəfzadə
AzVision.az

• tags
• tags